Alle som fisker laks, veit at det tek tid til å lære ei ny elv å kjenne.

Kvar fisken står, og kva den normalt bit på, er heilt avgjerande opplysningar for å lukkast i ei ny elv.

Som døme kan nemnast 1. juni 2009. Bror min og eg hadde gleda av å vere guidar då den verdskjende sopranen, Dame Kiri Te Kanawa, vitja Åmot Gard i Gaular.

Kl. 08.10 sette ho ny persoleg rekord under Harefossen i Flekke-/Guddalsvassdraget.

Den nygådde villaksen var 92 cm og vog 8 kg.

Om ikkje det var nok, tok ho laksen på Bergheim-sluken som er utvikla i same vassdraget. Sluken ho brukte, var i kopar, 34 gr. levert med norsk kvalietskrok frå Mustad og splittringar frå Søvik.

På rett plass, med rett utstyr og til rett tid ! Dette gav resultat som så mange gonger før under laksefiske.

Det er ei stor glede når nye fiskarar i elva opplever å få laksen på kroken nøyaktig der eg anbefalte.

Slike stunder ser eg på som ein god dag på jobb.